{"id":13357,"date":"2014-01-30T10:10:09","date_gmt":"2014-01-30T09:10:09","guid":{"rendered":"http:\/\/www.fjala.info\/?p=272"},"modified":"2014-01-30T10:10:09","modified_gmt":"2014-01-30T09:10:09","slug":"shtepia-e-poetit-at-gjergj-fishta-e-rrenuar-e-harruar","status":"publish","type":"post","link":"https:\/\/fjala.info\/2009-2015\/shtepia-e-poetit-at-gjergj-fishta-e-rrenuar-e-harruar\/","title":{"rendered":"Sht\u00ebpia e poetit At Gjergj Fishta, e rr\u00ebnuar, e harruar"},"content":{"rendered":"

At. Gjergj Fishta<\/em><\/p>\n

Nuk \u00ebsht\u00eb hera e par\u00eb q\u00eb shkruhet p\u00ebr sht\u00ebpin\u00eb e rr\u00ebnuar t\u00eb f\u00ebmij\u00ebris\u00eb s\u00eb At Gjergj Fisht\u00ebs. Vlera dhe r\u00ebnd\u00ebsia e k\u00ebtyre sht\u00ebpive t\u00eb rind\u00ebrtuara \u00ebsht\u00eb gjithashtu nj\u00eb \u00ebshtje e diskutueshme. Mir\u00ebpo \u00ebsht\u00eb gjithashtu fakt se qysh n\u00eb vitin 2011, \u00ebsht\u00eb premtuar nga ministria e Kultur\u00ebs rind\u00ebrtimi i k\u00ebsaj sht\u00ebpie dhe nuk \u00ebsht\u00eb b\u00ebr\u00eb.
\n\u201cShqiptarja\u201d q\u00eb rikthen v\u00ebmendjen n\u00eb k\u00ebt\u00eb tem\u00eb ka qen\u00eb rregullisht kritike ndaj qeveris\u00eb Berisha dhe mbetet p\u00ebr t\u2019u par\u00eb n\u00ebse qeveria Rama do t\u00eb b\u00ebj\u00eb ndonj\u00eb gj\u00eb tani, por n\u00eb k\u00ebt\u00eb rast ka gjetur arsye p\u00ebr sulmin e saj ndaj ish-ministrit Bum\u00e7i<\/p>\n

Shkruan Admirina Pe\u00e7i:
\nKjo sht\u00ebpi \u00ebsht\u00eb tani n\u00eb prag rr\u00ebnimi t\u00eb plot\u00eb. Pa dyer e dritare, me fragmente muresh t\u00eb r\u00ebn\u00eb e t\u00eb plasaritur, me \u00e7ati t\u00eb shkat\u00ebrruar\u2026 N\u00eb fshatin e vog\u00ebl Fisht\u00eb n\u00eb Zadrim\u00eb t\u00eb Lezh\u00ebs, na thon\u00eb se aty nuk mb\u00ebrrin dora e shtetit, e \u201cnjimend, asht fat qi kulla e Fisht\u00ebs rri ende n\u2019kamb\u00eb\u201d.
\nKulla dykat\u00ebshe ofron n\u00eb pamjen e saj ballore nj\u00eb imazh t\u00eb mjeruesh\u00ebm. Nj\u00eb der\u00eb e kalbur ku duken ende gjurm\u00ebt e boj\u00ebs s\u00eb shp\u00ebrlar\u00eb, nj\u00eb e gjelb\u00ebr e vak\u00ebt e shuar, n\u00eb krah t\u00eb saj pllakati q\u00eb na njofton se pik\u00ebrisht kjo \u00ebsht\u00eb sht\u00ebpia ku lindi At Gjergj Fishta, poeti q\u00eb shkroi t\u00eb famshmen \u201cLahut\u00eb t\u00eb malcis\u00eb\u201d.<\/p>\n

\"\"<\/p>\n

Pak m\u00eb p\u00ebrtej n\u00eb dritaren me hekura \u00ebsht\u00eb tendosur nj\u00eb flamur kuq e zi dhe ai i dal\u00eb boje. Nd\u00ebrsa nj\u00eb e \u00e7ar\u00eb e frikshme e murit, q\u00eb ngjitet deri n\u00eb katin e dyt\u00eb t\u00eb kull\u00ebs jep alarmin sos. Mbase ky fragment muri rr\u00ebzohet brenda vitit. S\u2019do t\u00eb jet\u00eb asgj\u00eb m\u00eb shum\u00eb, ve\u00e7se nj\u00eb lajm i zakonsh\u00ebm n\u00eb rradh\u00ebn e gjat\u00eb t\u00eb lajmeve p\u00ebr shkat\u00ebrrime n\u00eb trash\u00ebgimin\u00eb ton\u00eb kulturore.
\nPas tij do t\u00eb bjer\u00eb nj\u00eb fragment tjet\u00ebr muri, e mandej nj\u00eb tjet\u00ebr e nj\u00eb tjet\u00ebr\u2026Derisa asnj\u00eb gjurm\u00eb t\u00eb mos mbetet edhe nga kjo sht\u00ebpi ku lindi nj\u00eb prej mendjeve m\u00eb t\u00eb ndritura shqiptare. Si\u00e7 nuk ekziston m\u00eb asnj\u00eb gjurm\u00eb nga sht\u00ebpia e dikurshme e Luigj Gurakuqit, krejt\u00ebsisht e masakruar dhe tjet\u00ebrsuar, edhe pse shum\u00eb debate jan\u00eb zhvilluar rreth rr\u00ebnimit t\u00eb saj, e shum\u00eb projekte jan\u00eb hartuar p\u00ebr ta kthyer n\u00eb identitet.
\nSipas gazet\u00ebs \u201cShqiptarja\u201d drejtori i drejtoris\u00eb Rajonale t\u00eb Kultur\u00ebs Komb\u00ebtare n\u00eb Tiran\u00eb Arb\u00ebr Kadia, kishte njoftuar se projekti p\u00ebr restaurimin e k\u00ebsaj sht\u00ebpie \u00ebsht\u00eb gati dhe do t\u00eb kushtoj\u00eb mbi nj\u00ebzet e pes\u00eb mij\u00eb euro.<\/p>\n