{"id":11352,"date":"2011-11-07T08:31:53","date_gmt":"2011-11-07T07:31:53","guid":{"rendered":"http:\/\/fjala.shkoder.net\/?p=11352"},"modified":"2011-11-07T08:31:53","modified_gmt":"2011-11-07T07:31:53","slug":"21-vjetori-i-meshes-ne-shkoder-qe-shenoi-rifitimin-e-lirise-ne-shqiperi","status":"publish","type":"post","link":"https:\/\/fjala.info\/2009-2015\/21-vjetori-i-meshes-ne-shkoder-qe-shenoi-rifitimin-e-lirise-ne-shqiperi\/","title":{"rendered":"21 vjetori i Mesh\u00ebs n\u00eb Shkod\u00ebr q\u00eb sh\u00ebnoi rifitimin e liris\u00eb n\u00eb Shqip\u00ebri"},"content":{"rendered":"

\"\" M\u00eb 4 n\u00ebntor, Kisha katolike n\u00eb Shqip\u00ebri e kryeipeshkvia metropolit e Shkod\u00ebr-Pultit p\u00ebrkujtojn\u00eb 21 vjetorin e kremtimit t\u00eb Mesh\u00ebs s\u00eb Shenjt\u00eb nd\u00ebr varreza t\u00eb Rrmajit t\u00eb qytetit nga dom Simon Jubani, q\u00eb sh\u00ebnoi r\u00ebnien e regjimit t\u00eb diktatur\u00ebs ateiste komuniste dhe rifitimin e liris\u00eb e t\u00eb demokracis\u00eb n\u00eb Shqip\u00ebri. <\/p>\n

Pra, u takon Shkodran\u00ebve merita e rivendosjes s\u00eb demokracis\u00eb n\u00eb Shqip\u00ebri. E pas dekadash t\u00eb t\u00ebra t\u00eb ndalimit t\u00eb rr\u00ebfimit t\u00eb fes\u00eb n\u00eb Zotin nga regjimi ateist e komunist n\u00eb Shqip\u00ebri, dom Simon Jubani, meshtar katolik\u00eb para 21 vjet\u00ebsh kremtoi Mesh\u00ebn e par\u00eb n\u00eb varreza t\u00eb Shkodr\u00ebs duke sfiduar terrorin e diktatur\u00ebs komuniste e duke b\u00ebr\u00eb t\u00eb shp\u00ebrthente fuqia e liris\u00eb mbi diktatur\u00ebn e err\u00ebt ateiste, t\u00eb ngadh\u00ebnjente fuqia e s\u00eb mir\u00ebs mbi t\u00eb keqen, e dashuris\u00eb dhe v\u00ebllaz\u00ebrimit mbi urrejtjen e p\u00ebr\u00e7arjen. <\/p>\n

Mesha e kremtuar nga dom Simoni hodhi themelet e liris\u00eb e t\u00eb demokracis\u00eb n\u00eb Shqip\u00ebri pas dimrit t\u00eb eg\u00ebr e t\u00eb gjat\u00eb t\u00eb imponuar nga diktatura komuniste. Prifti shkodran dom Simon Juban, q\u00eb nd\u00ebrroi jet\u00eb m\u00eb 12 korrik t\u00eb k\u00ebtij viti njihet si nj\u00eb nga njer\u00ebzit e meshtar\u00ebt shqiptar\u00eb q\u00eb ka vuajtur t\u00ebr\u00eb jet\u00ebn n\u00eb burgje komuniste dhe q\u00eb ka q\u00ebndruar besnik\u00ebrisht e heroikisht torturave t\u00eb tmerrshme t\u00eb ushtruara nga regjimi komunist ndaj t\u00eb gjith\u00eb atyre njer\u00ebzve e qytetar\u00ebve q\u00eb nuk mohonin vlerat shpirt\u00ebrore, kulturore e komb\u00ebtare as para d\u00ebnimeve, persekutimeve e vrasjeve.<\/p>\n

K\u00ebshtu mund t\u00eb pohojm\u00eb se kremtimi e Mesh\u00ebs s\u00eb par\u00eb m\u00eb 4 n\u00ebntor 1990 n\u00eb varreza t\u00eb Rrmajit, qe shprehje e asaj fuqie shpirt\u00ebror hyjnore e njer\u00ebzore q\u00eb diktatura komuniste nuk arriti kurr\u00eb ta \u00e7rr\u00ebnjoste nga zemra e nga shpirti i shqiptar\u00ebve besimtar\u00eb. Dom Simon Jubani u b\u00eb k\u00ebshtu nism\u00ebtari i rihapjes s\u00eb Kishave e Xhamive n\u00eb Shqip\u00ebri kur komunizmi ende nuk ishte rr\u00ebzuar. Kleri e Kisha Katolike u b\u00ebn\u00eb edhe nj\u00eb her\u00eb shk\u00ebndija q\u00eb rifitoi lirin\u00eb e rivendosi demokracin\u00eb n\u00eb Shqip\u00ebri. N\u00eb 21 vjetorin e k\u00ebsaj ngjarje madhore, madje historike t\u00eb d\u00ebgjojm\u00eb nj\u00eb fragment nga intervista b\u00ebr\u00eb me dom Simon Jubani para disa vjet\u00ebsh…. (Radio Vatikani<\/em>)<\/p>\n